“Komandanın göstərdiyi oyun, topladığı xallar, futbolçuların meydandakı davranışı göstərir ki, “Neftçi” bu mövsüm də avrokuboklardan kənarda qalacaq. Düzdü, kubok Avropaya gedən qısa yoldu. Lakin burda mübarizə aparan “Qarabağ” və “Sabah” onsuz da “Neftçi”yə imkan verməyəcəkdi. Sadəcə, kkubokda matçlar fərqli ab-havada keçir. Dünən “Şahdağ Qusar” – “Turan Tovuz” oyununa da baxdım. 1-ci liqa komandası premyer-liqa təmsilçisinə qarşı çox yaxşı mübarizə apardı. Hətta tovuzluların futbolçusu avtoqola imza ata bilərdi. Ancaq top dirəyin yanından keçdi. “Neftçi”də isə bu cür formalaşan heyət yoxdu. Hələ yerinə oturacaq çox şey var. Odu ki, “Zirə” ağıllı oyunla “Neftçi”ni mübarizədən kənarlaşdırdı. Bu komandanın indiyə qədər belə sakit və düşünülmüş hücumlar qurduğunu görməmişdim. İndi Sənan Qurbanov gənc məşqçidi. Bilir ki, gec-tez yeni baş məşqçi gələcək. Ona görə də fərqli psixoloji durumdadı. Bəs bütün məşqçilərmi zəifdi? “Neftçi” rəhbərliyi hadisələrin axarını təhlil etməlidi. Görsünlər ki, son 5-6 ildə neçə məşqçi dəyişiblər. Çox dəhşətli şeydi. Bu qədər səhv etmək olar?! “Neftçi” tarixi komandadı. Hamı orda işləyib, hamı orda ürək xəstəliyinə tutulub. Söz tapa bilmirəm”.