“Dallas”ın hücumçusu Ceymi Benn klub tarixinə MHL-də 400 qol vurmağı bacaran 2-ci hokkeyçi kimi düşdü.

"Football-plus.az" xəbər verir ki, “Edmonton”la oyunda (8:3) fərqlənməkə buna nail oldu. Bu, Bennin MHL karyerasında 400-cü qol idi. 36 yaşlı kanadalı “Dallas”ın tarixində 400 qol həddinə çatan ikinci hokkeyçidi. Ceymi “Starz”ın heyətində 2009-cu ildə debüt edib və bütün karyerasını bu klubda keçirib. “Dallas”ın qol sayındakı rekordçusu isə Mayk Modanodu (557).

“Vaşinqton”un forvardı Aleksandr Oveçkin srağagün komandasının “Vinnipeq”ə qalib gəldiyi oyunda qələbə qolunu vurdu. MHL-də 1676-cı oyununu keçirən rusiyalı ulduz qol sayını 985-ə çatdırdı. O, müntəzəm çempion və pley-off nəzərə alınmaqla rekordçu olan Ueyn Qretskiyə (1694 oyunda 1016 qol) çatmaq üçün daha 31 qol vurmalıdı.

Oveçkinlə bağlı daha bir maraqlı statistik məqam odu ki, karyerası boyunca noyabrda vurduğu qolların sayını 150-yə çatdırdı. 40 yaşlı rusiyalı MHL tarixinə ilin konkret bir ayı ərzində 150 qol vurmağı bacaran üçüncü hokkeyçi kimi düşdü. Ueyn Qretski (dekabrda 157, noyabrda 154 qol) və Qordi Hou (yanvarda 154, fevralda 151 qol) da vaxtilə bunu bacarıb. Oveçkinin cari mövsümdə keçirdiyi 24 oyunda 22 (11+11) xal topladığını da xatırladaq.

25 noyabr
Vaşinqton – Kolambus 5:1 (1:0, 3:0, 1:1)
Nyu-Cersi – Detroyt 4:3 (3:1, 1:1, 0:1)
Reyncers – Sent-Luis 3:2 (0:1, 1:0, 2:1)
Tampa-Bey – Filadelfiya 3:0 (1:0, 1:0, 1:0)
Neşvill – Florida 3:8 (2:4, 0:1, 1:3
Los-Anceles – Ottava 2:1 (0:0, 0:0, 2:1)
Yuta – Veqas 5:1 (2:0, 0:1, 3:0)

26 noyabr
Edmonton – Dallas 3:8 (0:4, 1:2, 2:2)

27 noyabr
Aylenders – Boston 1:3 (1:1, 0:1, 0:1
Vaşinqton – Vinnipeq 4:3 (2:1, 1:1, 1:1)
Detroyt – Neşvill 3:6 (0:1, 2:0, 1:5)
Karolina – Reyncers 2:4 (0:1, 1:1, 1:2)
Kolambus – Toronto 1:2 OT (0:0, 0:0, 1:1, 0:1)
Nyu-Cersi – Sent-Luis 3:2 OT (1:2, 1:0, 0:0, 1:0)
Pittsburq – Baffalo 4:2 (1:0, 0:0, 3:2)
Tampa-Bey – Kalqari 5:1 (4:0, 0:0, 1:1)
Florida – Filadelfiya 2:4 (1:0, 1:2, 0:2)
Çikaqo – Minnesota 3:4 OT (0:0, 2:1, 1:2, 0:1)
Kolorado – San-Xose 6:0 (2:0, 3:0, 1:0)
Yuta – Monreal 3:4 (0:2, 3:0, 0:2)
Anahaym – Vankuver 4:5 (0:2, 3:1, 1:2)
Veqas – Ottava 3:4 B (1:3, 1:0, 1:0, 0:0)
Sietl – Dallas 2:3 (1:1, 0:1, 1:1)

28 noyabr
Detroyt – Tampa-Bey 3:6 (1:1, 2:3, 0:2)
Boston – Reyncers 2:6 (0:2, 0:2, 2:2)