"Milli komandanın baş məşqçisinin dedikləri məni maraqlandırmır" - Kurban Berdiyev
“Klassik kubok oyunu alındı. Adətən belə görüşlər gərgin keçir, bu oyun da istisna olmadı”.
"Football-plus.az" xəbər verir ki, bu sözləri "Turan-Tovuz”un baş məşqçisi Kurban Berdiyev Bizon ölkə kbokunun 1/8 finalında “Şahdağ-Qusar” üzərində qazanılan 2:1 hesablı qələbəni şərh edərkən deyib.
73 yaşlı mütəxəssis matçın ağır keçdiyini bildirib:
“Bu gün əsasən az oynamaq şansı qazanan futbolçulara özlərini göstərmək imkanı verdik. Bu matçda motivasiya çatışmazlığımız hiss olunurdu”.
Berdiyev millimizin baş məşqçisi Ayxan Abbasovun yığmaya dəvət edilən futbolçulara daha çox oynaya biləcəkləri klublara keçməyi tövsiyə etməsinə də toxunub.
“Siz bu gün yerli futbolçulada bu səbəbdən çox oyun şansı verdiz?” sualını Berdıyev belə cavablandırıb:
“Milli komandanın baş məşqçisinin dedikləri məni maraqlandırmır. Yerli futbolçulara daha çox şans verdik ki, sonra onların səhvlərini analiz edək. Çempionatda da həmin səhvləri təkrarlamasınlar.”
Digər xəbərlər
