AFFA ilə Elm və Təhsil Nazirliyinin Məktəbəqədər və ümumi təhsil üzrə dövlət agentliyinin birgə əməkdaşlığı çərçivəsində Sabirabad üzrə “Məktəbli Kuboku” turnirinə start verilib.

"Football-plus.az" xəbər verir ki, açılış mərasiminin ardından ilk oyunlar keçirilib.

Yarışda yeddinci sinif oğlanlar, beşinci sinif oğlan və qızlar olmaqla ümumilikdə 55 məktəbin komandaları qüvvələrini sınayacaqlar.

Daxili birincilik başa çatdıqdan sonra hər üç qrup üzrə çempion komanda rayonu bölgə yarışlarında - Regional finallarda təmsil edəcək.

Qeyd edək ki, “Məktəbli Kuboku” turnirinin təşkilində əsas məqsəd məktəblilər arasında futbolun kütləviliyini artırmaq, sağlam həyat tərzini təbliğ etmək və uşaqlarda komanda ruhunun formalaşmasına töhfə verməkdi. Layihə çərçivəsində ölkənin bütün bölgələrində məktəblər arasında yarışlar keçiriləcək, qaliblər respublika birinciliyində qüvvələrini sınayacaqlar.