Azərbaycan UEFA reytinqində bir pillə gerilədi. Buna "Qarabağ"ın Çempionlar Liqasında səfərdə "Napoli"yə məğlubiyyəti səbəb oldu.

Hazırda ölkəmiz 22,250 əmsalla 26-cı yerdə qərarlaşıb. İş ondadı ki, Azərbaycanın reytinqdəki əsas izləyicisi Ukrayna avrokuboklarda iki klubla təmsil olunur və onlardan biri “Şaxtyor” həftəni qələbə ilə başa vurdu. Donetsk klubu səfərdə “Şemrok Rovers”i 2:1 hesabıyla məğlub etdi, “Dinamo” isə səfərdə “Omoniya”ya 0:2 uduzdu.

Hazırda Ukraynanın 22,350 əmsalla 25-ci pillədə qərarlaşıb. İndi Azərbaycanı 22,218 əmsalla Sloveniya izləyir. Bu ölkənin avrokuboklardakı yeganə təmsilçisi, Konfrans Liqasında mübarizə aparan “Selye” səfərdə “Siqma”ya 1:2 uduzdu.

UEFA reytinqinə İngiltərə (101,783) başçılıq edir.