Bedard və “Filadelfiya” tarixə düşdü

MHL-də son üç gündə keçirilən oyunlarla bağlı bəzi maraqlı məqamlar var.

"Football-plus.az" xəbər verir ki, “Çikaqo”nun hücumçusu Konnor Bedard komandasının “Baffalo”ya 3:9 uduzduğu oyunda iki məhsuldar ötürmə verdi.

Kanadalı müntəzəm çempionatda 100-cü və 101-ci məhsuldar ötürmələrini gerçəkləşdirdi. 20 yaş 127 günlüyündə bunu bacaran Bedard “Çikaqo” tarixinə 100 və daha artıq ötürmə verə bilən ən gənc hokkeyçi kimi düşdü. Bedard 1987-ci ilin yanvarında 20 yaş 141 günlüyündə bu həddə çatan amerikalı Eddi Olçikin rekordunu yenilədi. Bedard həmçinin fəaliyyətdə olan hokkeyçilər arasında 100 məhsuldar ötürmə həddinə çatan 3-cü ən gənc oyunçudu. O, yalnız “Pittsburq”dan Sidni Krosbi (19 yaş 134 gün) ilə “Edmonton”dan Konnor Makdevidə (20 yaş 85 gün) uduzur.

“Filadelfiya” evdə “Nyu-Cersi”yə 6:3 hesabıyla qalib gəldiyi oyunda 26 saniyə ərzində üç qol vurdu. Bu qollar 13-cü dəqiqənin 6-cı, 15-ci və 32-ci saniyəsinə təsadüf etdi.

MHL-in mətbuat xidmətinin yaydığı xəbərə görə, “Flayerz” 21-ci əsrdə hamıdan tez üç qol vurmağı bacarıb. Bu göstəricidə rekord 1971-ci ildə “Vankuver”i 20 saniyə ərzində üç dəfə məyus edən “Boston”a məxsusdu. 1990-cı ildə “Vaşinqton” 21 saniyə ərzində “Pittsburq”un qapısından üç qol keçirib. “Çikaqo”ya da 1952-ci ildə “Reyncers”lə oyunda bu qədər vaxt lazım olub. Nəhayət, “Reyncers” 1932-ci ildə “Monreal Marunz”la oyunda 24 saniyə ərzində üç qol vura bilib.

22 noyabr
Baffalo – Çikaqo 9:3 (3:1, 3:1, 3:1)
Pittsburq – Minnesota 0:5 (0:3, 0:2, 0:0)
Vinnipeq – Karolina 3:4 (2:1, 0:2, 1:1)
Los-Anceles – Boston 1:2 OT (0:0, 0:0, 1:1, 0:1)
Detroyt – Kolambus 4:3 OT (0:1, 1:1, 2:1, 1:0)
Aylenders – Sent-Luis 1:2 (0:1, 0:1, 1:0)

23 noyabr
Vaşinqton – Tampa-Bey 3:5 (1:4, 1:0, 1:1)
Monreal – Toronto 5:2 (2:0, 2:1, 1:1)
Pittsburq – Sietl 2:3 OT (0:0, 1:1, 1:1, 0:1)
San-Xose – Ottava 2:3 (1:1, 1:1, 0:1)
Filadelfiya – Nyu-Cersi 6:3 (4:1, 1:1, 1:1)
Florida – Edmonton 3:6 (1:3, 2:1, 0:2)
Neşvill – Kolorado 0:3 (0:1, 0:0, 0:2)
Yuta – Reyncers 3:2 (1:1, 1:1, 1:0)
Anahaym – Veqas 4:3 OT (2:3, 1:0, 0:0, 1:0)
Kalqari – Dallas 3:2 B (1:0, 0:0, 1:2, 0:0)
Baffalo – Karolina 4:1 (1:1, 2:0, 1:0)

24 noyabr
Vinnipeq – Minnesota 0:3 (0:0, 0:2, 0:1)
Aylenders – Sietl 1:0 B (0:0, 0:0, 0:0, 0:0)
Çikaqo – Kolorado 0:1 (0:0, 0:1, 0:0)
San-Xose – Boston 3:1 (1:0, 1:0, 1:1)
Vankuver – Kalqari 2:5 (1:2, 0:2, 1:1)