“Antonio Kontenin komandası “Qarabağ”a qalib gəlməklə turnir cədvəlindəki mövqeyini düzəltdi. Futbol bayramını Skott Maktominay başlatdısa, Marko Yankoviç davam etdirdi. Ümumiyyətlə, oyun günü hər şey çox qəribə idi. Dieqo Maradonanı xatırladan təkcə ölümünün 5-ci ildönümü olması yox, həm də səhərdən gecəyə qədər ağlayan səma, mızıldanan külək idi. Yaxşı ki, futbol “Napoli”yə münasibətdə təbiət qədər qəddar davranmadı. Beləliklə, Çempionlar Liqasinda iki aya yaxın qalib gələ bilməyən Napoli təmsilçisi tilsimi qırdı”.

“Qələbəni kiçiltmək olmaz. Rəqib “Benfika”, “Kopenhagen” və “Çelsi”dən xallar alan “Qarabağ” idi. Etiraf edək ki, Azərbaycan komandası bəzi epizodlarda neapollulardan bir, iki yox, üç qat yaxşı oynadı. Qurban Qurbanovun komandası çox maraqlı, hətta deyərdim ki, əyləncəli oyun göstərir. Bəli, “Napoli” Neapolun yağış və küləyinə çoxdan öyrəşib. Belə hava şəraiti bizim üçün doğmadı. Ancaq “Qarabağ”ın yaş və sürüşkən qazon üzərində topla davranışı, hər an rəqibə təhlükə yarada biləcəyini göstərməsi qərəzsiz futbolsevərin xoşuna gəlməyə bilməz”.