Koxalski Neapolda dillər əzbəri oldu! – “bu zərbə qol olsa, ilin ən yaxşı qolları sırasına düşəcəkdi”
“Napoli” – “Qarabağ” matçının 35-ci dəqiqəsində yaşanan həyəcanlı saniyələrə siz də şahidlik etdiz.
Xatırladaq ki, həmin epizodda sol cinahla irəliləyən Noa Lanq topu cərimə meydançasına göndərdi. Burda “kürə”ni qarşılayan David Neres isə “qayçı” zərbəsiylə fərqlənmək eşqinə düşdü. Amma “Qarabağ”ın qapıçısı Mateuş Koxalski möhtəşəm seyvlə təhlükəni sovuşdurdu.
“Fopotball-plus.az” xəbər verir ki, İtaliyanın “Sky Sport” nəşri həmin epizodu belə dəyərləndirib:
“Həmin an həm “Napoli” tərəfdarlarının, həm də Neresin boğazında qışqırıq düyünləndi. Heç şübhəsiz, bu zərbə qol olsa, ilin ən yaxşı qolları sırasına düşəcəkdi. Lakin Koxalski hər şeyi məhv etdi. Rəqibə möhtəşəm qarşılıq verən qapıçı açıq əllə etdiyi qurtarışla ustalığını sərgilədi”.
Xatırladaq ki, Koxalski dünənki matçda 8 seyv edib. Bu göstərici sayəsində Çempionlar Liqasının liqa mərhələsindəki seyvlərinin sayını 17-yə çatdıran polşalı turnirdə ən çox seyv edən qapıçılar siyahısında 11-ci yerə yüksəlib.KƏNAN BAHADIR
Digər xəbərlər
