“Bu qol Avropada ilin ən yaxşı üç qolu arasına düşəcək” – Toral Bayramovun möhtəşəm qolu haqda
“Qarabağ” Avropa Liqasının liqa mərhələsinin 4-cü turunda “Bude/Qlimt”i səfərdə 2:1 hesabıyla məğlub etdi.
Qələbənin təməlini isə 22-ci dəqiqədə uzaq məsafədən möhtəşəm zərbə ilə Toral Bayramov qoydu. Yeri gəlmişkən, bu qol Avropa Liqasında turun qolu sayıldı.
Bu qolu necə dəyərləndirirsiz? Siz həmin anda hansı qərarı verərdiz? Ümumiyyətlə, Toralı belə qeyri-standart qərarlarına görə hansı məşhur Azərbaycanlı futbolçu ilə müqayisə etmək olar?
“Football-plus.az” bu sualları millimizin sabiq futbolçusu Ruslan Əmircanova ünvanladı:
“Qol çox əla idi. Həmin an ağıllı futbolçu “çərçivə”ni nişan alardı. Mən də həmçinin. Ancaq Toralın uzaq məsafədən qolları çox olduğu üçün hiss edirdim ki, birbaşa qapıya zərbə vuracaq. Bu qol Avropada ilin ən yaxşı üç qolu arasına düşəcək. Toralı hansısa futbolçuya oxşatmıram, onun özünəməxsus futbol üslubu var. Belə qeyri-adi qolları Emin Mahmudov da vurur”.
ƏSƏD SEYİDOV
Digər xəbərlər
