“Rəqib layiqli qələbə qazandı. Hər komponentdə bizdən bir baş üstün idilər. Təsadüfi deyil ki, “Benfika “ Avropanın sayılıb-seçilən komandalarındandı. Onlar Çempionlar Liqasının qalibi olmaq uğrunda mübarizə aparırlar. Heyətləri də buna imkan verir. Bizə gəlincə, üç əsas futzalçımız bu matçda oynaya bilmədi. Onların əvəzinə cəlb edilən oyunçuların isə beynəlxalq səviyyədə təcrübəsi yox idi. Yenə də hesabın belə acınacaqlı olacağına heç kim inanmırdı. Bu bizim üçün dərsdi, faciədi... Ümid edirəm ki, məşqçilər korpusu matçı təhlil edib komandanın cavab görüşündə daha yaxşı oyun göstərməsinə nail olacaq. Hələ baş məşqçi Yevgeni Kukseviçlə bağlı qərar qəbul etməmişik. Qarşıdan cavab oyunu gəlir. Bu qarşılaşmadan sonra müəyyən tədbirlər görüləcək”.