Nəhayət, Kənan Yıldızın aqibətinə rəsmən aydınlıq gətirilib.

"Football-plus.az" xəbər verir ki, “Yuventus” rəhbərliyi türk futbolçu ilə razılığa gəlib. İtaliya klubunun strategiya üzrə direktoru Corco Kyellini komandanın gənc oyunçusu ilə yeni müqavilə barədə razılıq əldə olunduğunu açıqlayıb.

Klub rəsmisi prosesin tamamlanması üçün yalnız rəsmi imzaların atılmasının qaldığını bildirib.

20 yaşlı futbolçu indiyədək komandada 98 oyuna çıxıb. Kənan bu matçlarda 19 qol vurub və 15 məhsuldar ötürmə edib.