Terim Çexiyanın başına keçəcəkmi? - yeni açıqlama
Çexiya yığmasında baş məşqçi axtarışları davam edir. Namizədlərdən biri Fatih Terimdi.
"Football-plus.az" xəbər verir ki, bu arada yığma komandanın baş meneceri Pavel Nedved məşqçi axtarışları ilə bağlı yeni açıqlamalar verib.
Onun sözündən belə qənaətə gəlmək olar ki, məsələ hələ bir qədər də uzanacaq:
''Baş məşqçi mövzusunda vəziyyət bir qədər qarışıqdı. Çünki bizə həm maddi şərtlərimizə uyğun gələn, həm də nəticə verən məşqçi lazımdı. Ona görə də belə məşqçi dərhal tapmaq asan deyil. Hazırda tam olaraq istədiyimiz məşqçini tapdığımızı söyləyə bilmərəm. Bu mövzunun həlli üçün əmək və vaxt sərf etməliyik. Səbrli və qərarlı olmalıyıq''.
İddialara inansaq, Çexiyanın başına keçməyə iki əsas namizəd var. Söhbət Fatih Terim və Yürgen Klinsmanndan gedir. Nedvedin ''İmperator'' ilə birəbir tanışlığı var və onların münasibətləri yaxşıdı. Onların yolu ötən il Səudiyyə Ərəbistanı təmsilçisi ''Əl-Şabab''da kəsişmişdi. Bu üzdən yığmanın baş menecerinin əsas favoriti məhz türkiyəli mütəxəssisdi. Amma Çexiya Futbol Federasiyasının idarə heyəti hələ ki, düşünür və Terimin təyinatına razılıq verməyib.
Digər xəbərlər
