Elçin Məsiyev "Rapid"in oyununda

Elçin Məsiyev Konfrans Liqasının pley-off mərhələsinin cavab oyunu çərçivəsində keçiriləcək “Rapid” (Avstriya) - “Harts” (Şotlandiya) qarşılaşmasının baş hakimi olacaq.

"Football-plus.az" xəbər verir ki, AFFA-nın məlumatına görə, ona Elşad Abdullayev və Pərvin Talıbov kömək edəcəklər. Dördüncü hakim funksiyasını Fərid Hacıyev yerinə yetirəcək. Fransalı Villi Delajo VAR hakimi, digər referimiz Nicat İsmayıllı isə VAR hakiminin köməkçisi kimi fəaliyyət göstərəcək.

Görüş sabah Vyana şəhərində yerləşən “Weststadion” stadionunda keçiriləcək.