[b]Andres İnyesta ilə bağlı sensasiyalı xəbər yayılıb. İspaniya yığmasının və “Barselona”nın sabiq futbolçusu Peruda cinayət təhqiqatı obyektinə çevrilib./b]

"Football-plus.az" xəbər verir ki, İnyesta sərmayədarlara 600 min dollardan çox pula başa gələ biləcək fırıldaqçılıq planında iştirak etməkdə şübhəli bilinir.

41 yaşlı sabiq yarımmüdafiəçinin şirkəti “Never Say Never” və onun Perudakı törəmə şirkəti “NSN Sudamerica” futbol və musiqi tədbirləri təşkil etmək üçün pul toplayıb. Lakin planlaşdırılan tədbirlərin əksəriyyəti heç vaxt keçirilməyib və pul sərmayədarlara qaytarılmayıb.

Baş tutmayan layihələrin sırasında “Upa Upa Fest” festivalı, Peru və Ekvador yığmaları arasında yoldaşlıq oyunu, “K-Pop Musiqi Festivalı”, Peru və İspaniya yığmalarının veteranları arasında oyun da var. İnyestanın təşkil etdiyi yeganə tədbir isə maddi itkilərlə başa çatıb.

İstintaq davam edir. Şübhələr təsdiqlənərsə, ötən il karyerasını başa vuran dünya və Avropa çempionu həm hüquqi planda, həm də imici ilə bağlı ciddi cəzalarla üzləşə bilər.