Andres İnyesta ilə Boyan Krkiç şərik olacaqlar. “Barselona”nın sabiq oyunçuları klub sahibi olmaq istəyirlər.

Onlar birlikdə Danimarkanın “Helsinqör” klubunun səhmlərini almağı planlaşdırırlar. Yerli “Tipsbladet” qəzetinin yaydığı məlumatda İnyestanın şəriki Joel Borras, həmçinin Krkiçin də daxil olduğu qlobal idman, əyləncə və marketinq şirkəti NSN-nin “Helsinqör”ü almağa çox yaxın olduğu bildirilib. İnyesta və şəriklərinin klubun səhmlərinin 85 faizi üçün təxminən 2 milyon avro ödəyəcəyi qeyd edilib.

Qeyd edək ki, “Helsinqör” Danimarkanın 2-ci divizionunda çıxış edir. Komanda hazırda 23 oyuna 12 xalla sonuncu - 12-ci yeri tutur.