“Fransa yığması builki son oyunu ərəfəsində Bakıda ciddi diqqət altında olacaq. Hər kəs oynamaq, hər kəs xal qazanmaq istəyir. Artıq dünya çempionatına vəsiqə qazanan yığma Parisdən 4800 kilometr aralıda, qeyri-adi Azərbaycan mühitində oynayacaq. Matçın turnir cədvəli baxımından heç bir əhəmiyyəti olmasa da, fərdi əhəmiyyəti var.
Xeyr, bu, Qara dəniz deyil... Fransız futbolçular qaldıqları oteldən bir qədər kənarda yerləşən Xəzər dənizinə nəzər sala bilərlər. Fransa yığması bura cümü günü, axşam saatlarında – dünya çempionatına vəsiqəni təmin edəndən bir neçə saat sonra gəlib. Onların şəhərin heyrətamiz mənzərələrini araşdırmaq üçün vaxtı yoxdu. 22 nəfərlik bir qrup, yəni gənc fransız futbolçular heç də tam turist kimi gəlməyib. Las-Veqas kimi işıqlandırılmış inanılmaz qüllələr, Sovet dövrünün qalıqları olan binalar, saysız-hesabsız bayraqlarla kəsişən geniş prospektlər və köhnə şəhərin dar dalanları: burda - Bakıda hər şey heyrətamizdi”.