Misli premyer-liqasının 9-cu turunda “Qəbələ” “Neftçi”yə məğlub olub - 0:2.

Oyunsonrası mətbuat konfransında Kaxaber Sxadadze media önünə çıxıb.

- Rəqibi təbrik edirəm. Təəssüf ki, epizodları dəyərləndirə bilmədik. Fərdi səhvlərdən qol buraxdıq. Soyuqqanlılıq çatmır. İşləməliyik. Epizodları qola çevirə bilsəydik, daha yaxşı olardı.

- Oyunu iki hissəyə bölsək, Abubakarın meydana daxil olmamış və olandan sonrakı oyun kimi deyə bilərik?
- O, böyük futbolçudu. Səviyyəsi var. Amma ideal formasından uzaqdı. Öz oyumuza
baxmalıyıq. Çempionatda belə futbolçuların olması çox yaxşıdı.

- Siz komandanın oyununu bəyənirsiz?
- Hamı deyir ki, yaxşı oynayırıq. Əsas olan xaldı. Xalımız azdı. Heç vaxt liqada qalmaq uğrunda mübarizə aparmamışam. Bu mənim üçün çətindi. Prezidentlə söhbətimiz oldu, danışdıq. “Neftçi”nin iki zərbəsi oldu, ikisi də qol. Söz vermişəmsə, bu işi görəcəm. Belə oyunla uğur gələcək. Səbr edəcəm.
Razılaşmışamsa, işimin üstündə duracam.

MÜZƏFFƏR QULUZADƏ