“Tottenhem”in dəyəri “Bude/Qlimt”dən ən azı 10 dəfə çoxdu” – azərbaycanlı yol üstədi
“Bude/Qlimt” Avropa Liqasının yarımfinalında mübarizəni dayandırıb. Norveç klubu “Tottenhem”ə ilə iki oyunun nəticəsinə görə 1:5 hesabı ilə məğlub olub.
"Bude/Qlimt"in azərbaycanlı azarkeş Qurban Hacıyevin oyunla bağlı fikirlərini öyrəndik. Onun “Football-plus.az”a cavabı:
“Tottenhem”ə hər iki oyunda uduzsaq belə, “Bude/Qlimt”in bura qədər gəlməsi mənə görə qələbə kimidi. Bu büdcə ilə belə performansı hər klub göstərə bilmir. “Tottenhem”in dəyəri “Bude/Qlimt”dən ən azı 10 dəfə çoxdu. Ona görə də hər nə olur-olsun, klubla fəxr edirəm”.
Yeri gəlmişkən, Qurban mayın 22-də “Bude/Qlimt”in oyunlarını izləməyə gedəcəyini söyləmişdi. Artıq bilet almısızmı? Səfər xərclərini kim qarşılayacaq? Qurban bəydən bu suala da cavab aldıq:
“Gələn həftə vizadan cavab çıxmalıdı. Vizanı alsam, mayın 22-si üçün Norveçə bilet alacam. Xərcləri isə norveçlilər xeyriyyə fondundan yığılan pulla qarşılayacaq”.
ƏSƏD SEYİDOV
Digər xəbərlər
