Türkiyə klubunda ciddi itki

Rafael Silva bir müddət futbol oynaya bilməyəcək.

"Football-plus.az" xəbər verir ki, “Beşiktaş”ın hücumçusu sıradan çıxıb. Türkiyə klubunun mətbuat xidmətinin məlumatına görə, 32 yaşlı portuqaliyalının ayaq əzələsində zədə aşkarlanıb. O, bazar günü “Kasımpaşa” ilə keçiriləcək matçda iştirak edə bilməyəcək.

Rafael “Beşiktaş”da 2024-cü ilin yayından çıxış edir. O, bu mövsüm 15 oyunda meydana çıxaraq 5 qol vurub və 3 məhsuldar ötürmə edib.