“Oyunu tam izlədim. “Qarabağ” hesabı 1-ci dəqiqədə açmasına baxmayaraq, çox ağır oyun keçirdi. Həmin epizoda gəlincə, burda diqqət edilməli bir neçə məqam var. İlk əsas məsələ hakimin tutduğu mövqedi. O, qəti qərar verdi. Dərhal küncdən zərbəyə işarə etdi. Fikrimcə, hər şey qaydalar çərçivəsində oldu. Rəqib futbolçu “sürüşmə” fəndini düzgün yerinə yetirdi. Topa bir ayaqla getdi. Sürətli və dinamik epizod olduğu halda, məqsədli şəkildə topa oynaya bildi. Burda hansısa kobud səhvdən söhbət gedə bilməz. Hətta fikir verdizsə, “Qarabağ”ın oyunçusu da başverənlərə etiraz etmədi. Qaydalara əsasən hakimin qərarını dəstəkləmək lazımdı”.