“Belə oyun barədə danışmaq çətindi. “Omoniya”nın oyunu tam alındı. "Zirə"nin dərdinin nə olduğu isə bilinmədi. Oranın mühiti komanda üçün narahatliq yaratdı, yoxsa futbolçular belə ab-havaya hazır deyildi - bu artıq başqa mövzudu. Hakim idarəçiliyə gəlincə, müəyyən məqamlarda şablon arxasınca qaçdılar. Penalti epizodu mənim üçün də qaranlıq qaldı. Orda “Zirə”nin oyunçusu Ruan Renato bir addım önə çıxdı. Özümüz də bilirik ki, hakimlər belə şeylərə o qədər də fikir vermir. Amma bu dəfə referi köməkçisi ilə birgə bu məqamı diqqət mərkəzində saxladı, Ruana "sarı" da verdi. Qaydalar çərçivəsində düz elədi. Elə də təcrübəli hakimə oxşamırdı. Maraqlıdı ki, ikili mübarizələrdə "Zirə"yə münasibətdə daha diqqətliydi, yerli komandaya oynamağa şans verirdi. "Omoniya"nın xeyrinə daha çox qərar verirdi. Bir komandanın oyunu yaxşı alınırsa, tam bitərəf qalmaq daha məqsədəuyğundu. Təəssüf ki, "Zirə"nin oyunu heç cür alınmadı. Hakimlik ürəkaçan olmadı. Birtərəfli deməzdim, amma rəqibə simpatiyasını göstərirdi. Buna isə ehtiyac yoxdu, imkan verilməlidi ki, güclü olan qazansın”.