Fransa çempionatının 8-ci turunda maraqlı hadisələr baş verdi.

"Football-plus.az" xəbər verir ki, turun mərkəzi oyununda “Strasbur”u qəbul edən PSJ məğlubiyyətdən çətinliklə qurtuldu. Paniçelli 49-cu dəqiqədə hesabı 1:3 edəndən sonra çoxları parislilərin mövsümdə 2-ci dəfə uduzacağını düşünməyə başladı. Ancaq Ramuş və Mayulunun qolları ilə hesab bərabərləşdi. PSJ-nin xal itkisindən yararlanan “Marsel” zirvəni ələ keçirdi. Cənublular evdə “Havr”ı darmadağın etdi. Baxmayaraq ki, ilk yarıdan sonra tabloda 1:1 hesabı “yanırdı”. Amma Qrinvudun 67-76-cı dəqiqələr aralığında vurduğu üç qol oyunun taleyini həll etdi.

Adi Hütteri baş məşqçi postunda əvəzləyən Sebastyan Pokonyoli “Monako”da işə qələbə ilə başlaya bilmədi. “Anje”nin qonağı olan “knyazlar” 72-ci dəqiqədə irəli çıxsa da, sona 4 dəqiqə qalmış Şerif hesabı bərabərləşdirdi.

Turun qalan oyunlarına gəlincə, “Paris”i qəbul edən “Lans” 2:1 hesablı qələbə sayəsində 4-cü pilləyə yüksəldi. Ona görə ki, “Lion” “Nitsa” ilə səfər oyununda məğlubiyyətlə barışdı. “Loryan” – “Brest”, “Renn” – “Oser” oyunlarında məhsuldar heç-heçə qeydə alındı. “Lill” səfərdə “Nant” üzərində inamlı qələbə qazandı. “Tuluza” isə “Mets”in qapısından 4 cavabsız top keçirdi.

8-ci tur
PSJ – Strasbur 3:3
Barkolya, 6. Ramuş, 68-p. Mayulu, 79 – Paniçelli, 26; 49. Moreyra, 41. (47000)
PSJ: Şevalye, Zair-Emeri, Zabarnı, Beraldo (Paço, 61), L.Ernandes, Mayulu (Mendeş, 90), Li Kan İn, Due (Ncantu, 61), Mbay, Ramuş, Barkolya (Kvaratsxeliya, 61).

Marsel – Havr 6:2
Qrinvud, 35-p.; 67; 72; 76. Vaj, 88. Murilyo, 90+4 – Keşta, 24. Ture, 90+2. (64869)
Marsel: De Lanqe, Pavar, Agerd, Balerdi, Emerson (Murilyo, 65), O’Rayli (Nadir, 65), Höybyerq, Qrinvud (Bakola, 80), Qomes (Vaj, 65), Payşao (Vea, 71), Obameyanq.

Anje – Monako 1:1
Şerif, 86 – Baloqan, 72. (13423)
Monako: Kön, Dyatta, Kerer, Salisu, Uattara (İdumbo, 70), Teze (Bamba, 84), Kulibali, Akliuş (İlenihena, 84), Fati (Minamino, 70), Enrike, Biret (Baloqan, 62).

Lans – Paris 2:1
Eduar, 17. Baydu, 64 – Les-Melu, 28. (33773)

Nitsa – Lion 3:2
Bar, 5. Diop, 35. Budaui, 55 – Şults, 29; 90+6. (20000)

Loryan – Brest 3:3
Le Bris, 2. Kuassi, 55. Sumano, 90 – Ebimbe, 34. Makenqo, 44-öz qapısına. Del Kastilyo, 86-p. (16607)

Renn – Oser 2:2
Embolo, 18. Fofana, 56 – Louder, 8. Sinayoko, 72-p. (27148)

Tuluza – Mets 4:0
Maqri, 2. Dennum, 8-p. Qboo, 79. Kressuell, 84. (26078)

Nant – Lill 0:2
Haraldsson, 8. İqaman, 89. (29845)

1. Marsel 8 6 0 2 21-7 18
2. PSJ 8 5 2 1 16-8 17
3. Strasbur 8 5 1 2 17-10 16
4. Lans 8 5 1 2 12-7 16
5. Lion 8 5 0 3 11-8 15
6. Lill 8 4 2 2 16-10 14
7. Monako 8 4 2 2 17-13 14
8. Tuluza 8 4 1 3 15-12 13
9. Renn 8 2 5 1 11-12 11
10. Nitsa 8 3 2 3 12-14 11
11. Paris 8 3 1 4 13-15 10
12. Brest 8 2 3 3 14-14 9
13. Loryan 8 2 2 4 12-19 8
14. Oser 8 2 1 5 7-12 7
15. Nant 8 1 3 4 5-9 6
16. Havr 8 1 3 4 10-16 6
17. Anje 8 1 3 4 4-12 6
18. Mets 8 0 2 6 5-20 2

Bombardirlər: Paniçelli (Strasbur) - 7, Qrinvud (Marsel) – 6, Fati (Monako) – 5.
Növbəti turun oyunları oktyabrın 24-26-sı aralığında keçiriləcək: Paris – Nant, Brest – PSJ, Monako – Tuluza, Lans – Marsel, Lill – Mets, Anje – Loryan, Oser – Havr, Renn – Nitsa, Lion – Strasbur.

Turun rəqəmi
1 – Qrinvud karyerasında ilk dəfə poker etdi. İndiyə qədər MY, “Xetafe” və “Marsel”in heyətində 164 oyun keçirən ingiltərəli forvardın hesabına het-trik belə yox idi. Onu da nəzərə alaq ki, zorakılıqda ittiham olunan Meyson yarım il yaşıl meydana çıxmamışdı.

Turun ulduzu
Meyson Qrinvud (Marsel) – inanılmaz forma yığan ingiltərəli hücumçu klubun tarixinə çempionat oyununda 4 qol vuran ikinci futbolçu kimi düşdü. “Marsel”in tarixində indiyə qədər bunu yalnız əfsanəvi Jan-Pyer Papen bacarmışdı, özü də iki dəfə: 1989-cu ildə “Soşo-Monbelyar” (6:1), 1991-ci ildə “Lion” (7:0) ilə oyunda.

Turun sitatı
Luis Enrike, PSJ-nin baş məşqçisi: