“Fənərbaxça”da ayrılıqlar davam edir.

İstanbul nəhənginin rəhbərliyin və məşqçilər korpusunun qərarı ilə əvvəlcə futbol əlaqələndiricisi Alpər Yemenciler, sonra da baş dietoloq Cenk Özyılmazla yolları ayırdığını, eləcə də iki təcrübəli futbolçu – İrfan Can Kahveci və Cenk Tosunun əsas komandadan kənarlaşdırıldığını xəbər vermişdik.

"Football-plus.az"ın məlumatına görə, “Fənər” daha 4 skautla vidalaşdı. Bunlar Barış Alpaslan, Mərt Bayhan, Ayberk Ağar və Suphi Baykamdı.

Təbii ki, fanatları ilk növbədə İrfan Canla Cenk Tosunun aqibəti maraqlandırır. Bu futbolçular “Samsunspor”la qarşılaşmada müəyyən intizamsız hərəkətlərə yol vermişdilər. İrfan Can paltardəyişmə otağında bəzi komanda yoldaşlarına etirazını bildirmiş, Cenk isə meydana çıxa bilmədiyinə görə 5-ci əvəzetmədən sonra gödəkçəsini yerə fırladaraq məşqçilər korpusuna etiraz etmişdi.

Bu arada Türkiyə mətbuatının yazdığına inansaq, hər iki futbolçunun əfv olunması gündəmə gəlib. Çünki onların hər ikisi səhvlərini anlayaraq bundan dərs çıxarmağa çalışacaqlarını bildiriblər. Başqan Sadəttin Saran məşqçilər korpusunun razılığını alandan sonra həm İrfana, həm də Cenkə ikinci bir şans verməyi planlaşdırır. Ancaq bunun bu qədər erkən yox, ən azı 2-3 həftə sonra baş verəcəyi gözlənilir.

Saran çərşənbə günü prezident vəzifəsində ilk dəfə geniş mətbuat konfransı keçirmiş və klubun gündəmində duran mövzular haqda danışmışdı. O, baş məşqçi Domeniko Tedesko ilə yola davam edəcəklərini bildirmişdi. İrfan Can Kahveci və Cenk Tosunla bağlı isə prezident bunları demişdi: