İrfan Can Kahvecinin ''Fənərbaxça'' ilə müqavilə müddəti mövsümün sonunda başa çatacaq.

Rəhbərliyin cəhdlərinə baxmayaraq təcrübəli futbolçu ilə hələ də anlaşmaq mümkün olmayıb. Bu üzdən zaman ötdükcə ona maraq göstərən klubların sayı da artmağa başlayır. Hətta Türkiyə mətbuatının yazdığına inansaq, yeni müqavilə ilə bağlı məsələdə çıxılmaz vəziyyət yaranıb.

Belə ki, İrfan ''Fənər''dən imza parası istəyib. İmza parası adətən kluba azad agent statusunda gələn yeni futbolçulara verilir. Kahvecinin bu tələbi ''Fənər'' rəhbərliyi tərəfindən xoş qarşılanmayıb və danışıqlar prosesi dayandırılıb. Dərhal ''Qalatasaray'' və ''Beşiktaş''ın İrfana maraq göstərməsi haqda xəbərlər peyda yayılmağa başlayıb. Amma hələ ki, ən çox can-fəşanlıq edən ''Trabzonspor''du. Deyilənə görə Şenol Günəş 29 yaşlı vingerin xidmətində çox maraqlıdı. Qaradənizlilərin bu oyunçunun pulla bağlı istənilən tələbini qarşılamağa hazır olduğu deyilir.

Joze Mourinyonun gəlişindən sonra əsas heyətdəki yerini itirən İrfan buna baxmayaraq Türkiyə yığmasının son iki oyununda önəmli qollar vurdu. O, Monteneqro ilə qarşılaşmada qələbə qolunu vurdusa, İslandiya ilə oyunda bərabərlik qolunu vuraraq geri dönüşün əsasını qoydu.

ƏLİ