“Ferrari” FIA ilə münaqişədədi
“Formula-1”in “Ferrari” komandası Beynəlxalq Avtomobil Federasiyası (FIA) ilə gərgin münasibətlər yaşayır.
“Corriere della Sera”nın yaydığı xəbərə görə, tənzimləyicinin daimi yoxlamaları komandanı ən kiçik pozuntulara belə yol verməmək üçün bütün sahələrdə yüksək mühafizəkar yanaşmaya vadar edib.
Adı çəkilən nəşrin yazısında deyilir:
“Paddokda “Ferrari”nin komandanı çox tez-tez yoxlayan FIA ilə çətin münasibətləri haqqında şayiələr var. Trassdakı mühəndislərinin işi avtomobildən maksimum nəticə əldə etmək üçün dizayn departamentinin işi qədər vacibdi. Yoxlamalar ucbatından son illərdə bir çox dəyərli mühəndis komandanı tərk edib. Bu da “Ferrari”nin böhranını daha da dərinləşdirib”.
Digər xəbərlər
