“Qarabağ”ın prezidenti Tahir Gözəl artıq illərdi eyni məsələni qaldırır, lakin heç bir nəticəyə nail ola bilmir.

Bu klubun uğurları müzakirə olunarkən azarkeşlərin dartışdığı məqamlardan biri də budu ki, təsisləşmə lazımi səviyyədə deyil, “Qarabağ”ın akademiyasında futbolçu yetişmir, böyük kluba çevrilmək prosesində yubanmalar var. Əslində məsələni belə də qoymaq olar: yaşıl meydandakı nəticələrlə klub infrastrukturunun formalaşması yolunda atılan addımlar bir-birini tamamlamır. Belə müzakirələrin sonunda, adətən, Tahir Gözəl tənqid hədəfinə çevrilir.
b
Amma klub prezidentinin üzərinə bu qədər getməyə dəyərmi? Bir halda ki, prezident illərdi klub akademiyanın tikintisi üçün gözdən keçirdiyi əraziyə heç cür yiyələnə bilmədiyini deyir. Həmin torpaq sahəsi SOCAR-ın balansındadı. Tahir bəy AFFA və SOCAR prezidenti Rövşən Nəcəfə də üz tutub. Dövlət Neft Şirkətinə aid ərazi “Qarabağ”ın yerləşdiyi və stadion tikdiyi yerə bitişikdi. Ağdam klubu orda infrastruktur qurmaq və uşaq futbolunu inkişaf etdirmək niyyətindədi. Bununla bağlı layihə də çoxdan hazırdı. Özü də “Qarabağ” həmin yeri birdəfəlik satın almaq niyyətində deyil. Klubun məqsədi torpağı uzunmüddətli icarəyə götürməkdi. Klub akademiya binası tikmək, bir neçə meydança salmaq, uşaq və yeniyetmələr üçün baza qurmaq arzusundadı.

Tahir bəyin fikri:

Bir iş adamı, həm də müasir “Qarabağ”ın qurulması üçün böyük əmək sərf etmiş iş adamı klubu keyfiyyətcə yeni səviyyəyə qaldırmaq istəyir, bu yolda 10 milyon manatdan keçməyə hazırdı. Maraqlıdı, niyə onun səsinə səs verən yoxdu? Yəni bu ölkənin bir nömrəli futbol brendi, Azərbaycanı dünyaya tanıdan “Qarabağ” adi bir məsələdə yardım görmürsə, onda hansı böyük hədəflərdən danışmaq olar. Dövlət orqanlarının Tahir bəyin müraciətini gec də olsa, eşidəcəyinə ümid edirik.

ORXAN