“Football-plus.az” onun açıqlamasını təqdim edir:
“İki fərqli, amma eyni dərəcədə çətin oyun. Çexiyaya məğlubiyyət və Şotlandiya ilə heç-heçə. Bu oyunları komandanın inkişaf mərhələsi kimi qəbul edirik. Səhvlər və çətinliklər futbolda təbiidi - əsas odu ki, hər addım bizi irəli aparsın. Milli komandaya diqqətin çox olması normaldı və bu məni qorxutmur. Əksinə, mənim üçün daha güclü olmağa motivasiyadı. Mən futbolda ilk günümü keçirmirəm - akademiyadan peşəkar səviyyəyə qədər yol keçmişəm və yaxşı bilirəm ki, inkişaf üçün zaman, intizam və səbir lazımdı. Bu günlərdəki peşəkarlığa, enerjiyə və səmimi əməyə görə məşqçi korpusuna, federasiyaya və futbolçularımıza təşəkkür edirəm. Bu, sadəcə, başlanğıcdı - biz hara getdiyimizi bilirik”.
MÜZƏFFƏR QULUZADƏ
