Xoşagəlməz hallarla bağlı proqnozlarımızın doğru çıxmasını əsla arzulamazdıq, amma təəssüf ki, Mahir Emrelinin “Kayzerslautern”dəki karyerasıyla bağlı ehtimallar özünü doğruldub...

“Football-plus.az”ın əldə etdiyi məlumata görə, Almaniyanın 2-ci bundesliqa klubu hücumçuyla müqaviləyə xitam vermək qərarına gəlib. Təbii ki, buna futbolçunun həm klubda nizam-intizam qaydlarına riayət etməməsi və məşqçilər korpusuyla yaşadığı gərginlik, həm də DÇ-2026-nın seçmə mərhələsi çərçivəsində keçirilən Ukrayna – Azərbaycan matçından sonra dilə gətirdiyi ifadələr səbəb olub. Onun xüsusən Almaniyanın futbol mentallığıyla bağlı işlətdiyi sözlər rəhbərlik tərəfindən xoş qarşılanmayıb.

“Qırmızı iblislər” hazırda Emreliylə müqaviləyə qarşılıqlı razılıq əsasında xitam verməyin yollarını axtarır.

Xatırladaq ki, “Kayzerslautern” bu yay futbolçuyla 3 illik anlaşmaya imza atıb.

KƏNAN BAHADIR