Amil Yunanovun Albaniyadakı legioner həyatı sona çatmaq üzrədi.

"Football-plus.az"ın əldə etdiyi məlumata görə, azərbaycanlı futbolçu "Bülis"dən ayrılmaq qərarına gəlib. Buna klubun futbolçuyla bağladığı müqavilənin şərtlərinə əməl etməməsi səbəb olub.

Amil bu üzdən rəhbərliyə müraciət edərək qarşılıqlı razılıq əsasında anlaşmaya xitam vermək istədiyini bildirib. "Bülis" onun müraciətini müsbət cavablayıb. İndi oyunçuyla klub arasında razılıq əldə edilməli və sövdələşmə uyğun şərtlərlə pozulmalıdı. Hətta Amil dünən komandasının "Teuta"nı qəbul etdiyi matçın (4:0) iştirak ərizəsində yer almayıb.

Xatırladaq ki, Yunanovun sentyabrda imzaladığı müqavilənin müddəti cari mövsümün sonunda başa çatacaq.

KƏNAN BAHADIR