Protokola 13 nəfərin adını saldılar, qalib gəldilər! - prezidentdən iddialı açıqlama
Mövsümün əvvəlində qarşısına çempionluq hədəfin qoyulan “Quba”nın heyətindən 8 futbolçunun ayrıldığı məlumdu. Amma 2-ci liqanın 5-ci turunda “Göygöl”lə qarşılaşan Şimal təmsilçisi protokola adını daxil etmək üçün cəmi 13 futbolçu tapsa da, qələbə qazandı – 2:1.
Bəs yeni futbolçular hardan cəlb olunub? Transfer işləri davam etdirilirmi? Hədəf yenə də çempionluqdu?
Bu sualları klubun prezidenti Ayaz Abdullayevə ünvanladıq:
“Azad agant tapırıq, iki-üç nəfər cəlb etmişik. Danışıqlar davam edir. Başqa futbolçuları da gətirəcəyik. Komandanı çətin vəziyyətdə qoymasaydılar, hədəfimiz eyni olaraq qalırdı. Amma indi də elədi. Vəziyyətimiz bərbad deyil. Çempion olmaq istəyirik. Sona qədər döyüşəcəyik. Bu mövsüm də olmasa, inşallah, gələn mövsüm buna nail olarıq”.
MÜZƏFFƏR QULUZADƏ
