“Boykot davam edəcək. Qələbəsizlik seriyası artıq 14 oyuna çatıb. AFFA rəhbərliyi dəyişməyənə qədər qərarımız dəyişməyəcək. Aşağı yaş qruplarından ibarət milli komandaların nəticələri də bərbaddı. Hansısa addım atılmayıb. Xəyali strategiyadan da xəbər yoxdu. Fernando Santuş qurban verildi. Yerli məşqçi gətirməklə ictimaiyyətin təzyiqini azaldıb vaxt qazandıqlarını sanırlar. Bu azarkeş 30 ildi bu fəndləri çox görüb, yalnız özlərini aldadırlar. Azarkeşi aldada bilməzlər. Onlara sözlərinə qulaq asan azarkeş lazımdı, işlərini çətinə salıb onları daim narahat edən tələbkar azarkeş qrupu yox. Futbolçularımıza növbəti matçlarda uğurlar arzulayırıq. Ancaq bu antifutbol tərzindəki oyun heç bir ümid vermir. “U-ların nəticələrinə baxıb deyə bilərik ki, azı 7-8 il millidən nəticə gözləmək mənasızdı. Arxadan gələn nəsil indiki futbolçulardan da zəifdi. Məsələ, hazırda komandanın orta xəttinin dirijoru olan Emin Mahmudovun əvəzləyicisi yoxdu. Eminin yaşını nəzərə alsaq, bir neçə il də oynaya bilər. Lakin onun kimi ağıllı oynaya bilən və onu əvəz edə biləcək yetirməmiz yoxdu. Bu adamı sabah kim əvəz edib yerini dolduracaq? Türklər demiş: çok şükür, kötü günleri atlattık, şimdi irelide daha kötü günler var”.