“Göyqurdlar” azarkeş qrupunun bu gün qadınlardan ibarət millimizin Millətlər Liqasında keçirəcəyi ilk oyunda - C Liqasının 4-cü qrupunda Monteneqroya qarşı matçda iştirak planından vaz keçdiyindən xəbərdarsız. Hava şəraitinə görə bu qərara gələn fanklub oyunun baş tutacağı stadion seçiminin yanlış olduğunu bildirib.

Əlbəttə, onların narazılığına haqq vermək mümkündü. Bəs, AFFA tərəfdarların təhlükəsizliyi və rahatlığı üçün əvvəlcədən hansısa tədbirlər görübmü?
Bu sualla qurumun Mətbuat və İctimaiyyətlə Əlaqələr Departamentinin rəhbəri Elnur Məmmədliyə müraciət etdik.

O, “Football-plus.az”a açıqlamasında azarkeşlər üçün avtobus nəzərdə tutulduğunu, lakin fanklub üzvlərinin əksəriyyətinin qız olması səbəbindən gəlməkdən imtina etdiklərini, bu səbəbdən səfərin ləğv olunduğunu dedi.

KƏNAN BAHADIR