Bunu da gördük - transferi süni intellekt sayəsində baş tutdu
''Mançester Yunayted''in yetirməsi olan Demetri Mitçell son açıqlaması ilə diqqət çəkib.
Daha öncə ''Harts'', ''Blekpul'', ''Hibernian'', ''Ekzeter Siti''də forma geymiş 28 yaşlı sol müdafiəçi bu yay İngiltərənin 3-cü divizion təmsilçisi ''Leyton Orient''ə transfer olundu.
Mitçell etiraf edib ki, danışıqlar prosesi zamanı süni intellektin çat-botu olan ChatGPT-nin köməyindən istifadə edib. O, qatıldığı bir podkastda bunları deyib:
''Leyton Orient''dən rəsmi təklif aldıqdan sonra ChatGPT-nin xidmətindən istifadə etməyə başladım. Danışıqlar zamanı özümü necə aparmalı və nələr deməli olduğumu soruşdum. Bundan başqa ötən mövsümkü qazancımı dedim və Londondakı həyatın mənə neçəyə başa gələcəyini soruşdum. Həyat yoldaşımın və uşaqlarımın da mənimlə birlikdə yaşayacaqlarını dedim. Həqiqətən də düşünürdüm ki, əvvəlkindən daha çox qazanmalıyam. Həm də menecerim olmadığına görə imza bonus mənim özümə çatmalıdı. ChatGTP bu gün üçün mənim ən yaxşı menecerimdi. Əsil menecerin komissiya haqqı 5 faizdi. Amma ChatGPT-nin premium abunəliyi aylıq cəmi 15 funt-sterlinqdi''.
Digər xəbərlər
