Norveçli qrossmeyster Maqnus Karlsen sosial şəbəkə hesabında ChatGPT ilə qarşılıqlı əlaqə ilə bağlı təcrübəsini bölüşüb.

34 yaşlı norveçli yazır ki, yaxınlardakı səfərlərin birində darıxdığına görə süni zəka ilə şahmat oynamağa qərar verib. Karlsen 53 gediş davam edən onlayn partiyada ChatGPT-ni məğlub edib, həm də bir fiqur da itirmədən.

Şahmatçı həmçinin süni zəkadan oyun səviyyəsini dəyərləndirməsini istəyib. ChatGPT güman edib ki, norveçlinin reytinqi 1800-2000 arasında dəyişir. Ancaq FİDE-nin versiyasına görə 16-cı dünya çempionunun real reytinqi 2839-a bərabərdi.