Oktyabrın 2-də Konfrans Liqasının (KL) 5-ci mövsümünün əsas mərhələsinə start verildi.

"Football-plus.az" xəbər verir ki, liqa mərhələsinin ilk turunda 18 oyun keçirildi.

Bilindiyi kimi, bir il əvvəl qitə kuboklarında qrup mərhələsi ləğv olunub və 8 qrupun əvəzinə vahid liqa mərhələsi tətbiq edilib. Komandaların sayı isə 32-dən 36-ya qədər artırılıb. Çempionlar Liqası və Avropa Liqasından fərqli olaraq KL-də bu qədər iştirakçı liqa mərhələsində 8 deyil, 6 fərqli rəqiblə 6 oyun keçirəcək. Yekun turnir cədvəlində 1-8-ci yerləri tutanlar 1/8 finala vəsiqə qazanacaqlar. Liqanı 9-24-cü yerlərdə başa vuranlar bu mərhələyə çıxmaq üçün iki matçdan ibarət pley-offda gücünü sınayacaqlar. 25-36-cı yerləri tutanlar isə avrokuboklarda mübarizəni dayandıracaqlar.
KL-in yeni mövsümünün ilk turu qitənin 5 aparıcı liqasını təmsil edən komandaların hamısının qələbə qazanmasıyla yadda qaldı. “Dinamo” məlum səbəbdən “Kristal Pelas”ı Ukraynada deyil, Polşanın Lyublin şəhərində qəbul etdi. İngiltərə klubu hər hissədə vurduğu bir cavabsız qolla inamlı qələbə qazandı. Oliver Qlasnerin çalışdırdığı komanda bütün turnirlərdə keçirdiyi 19-cu oyunda da uduzmadı. Bu, London klubunun tarixində yeni məğlubiyyətsiz seriya rekordudu! “Fiorentina” İtaliyada “Siqma”ya, “Rayo Valyekano” İspaniyada “Şkendiya”ya eyni hesabla qalib gəldi.

Avrokuboklarda ardıcıl 4-cü qələbəsini qazanan “Rayo Valyekano”nun öz rekordunu yenilədiyini də qeyd edək. 3-cü təsnifat mərhələsində “Araz-Naxçıvan”ı ümumilikdə 9:0 hesabıyla üstələyən “Omoniya” Cənubi Kiprdə “Maynts-05”ə qarşı oyunda çox yaxşı təsir bağışladı. Lakin adalılar penalti ilə buraxılan qolla Almaniya klubuna uduzdular. Fransanın turnirdəki yeganə təmsilçisi də liqa mərhələsinə qələbə ilə başladı. “Strasbur” Slovakiyada “Slovan”a 2:1 hesabıyla qalib gəldi.

Əsas mərhələdə postsovet məkanını təmsil edən 3 komandadan “Dinamo”nun “Kristal Pelas”a uduzduğunu qeyd etdik. Ukraynanın digər təmsilçisi “Şaxtyor” Şotlandiyada “Aberdin”ə 3:2 hesabıyla qalib gəldi. KL-in ötən mövsümündə də liqada mübarizə aparan “Noa” (Ermənistan) isə “Riyeka”nı minimal hesabla üstələdi.

liqa mərhələsi, 1-ci tur
Dinamo (Ukrayna) - Kristal Pelas (İngiltərə) 0:2
Munyos, 31. Nketia, 58.
Kristal Pelas: Henderson, Qehi, Lakrua, Riçards, Sosa, Hyuz (Lerma, 52), Uorton, Munyos (Kardines, 88), Pino (Sarr, 69), Kamada (Devenni, 69), Mateta (Nketia, 46).

Omoniya (Cənubi Kipr) - Maynts-05 (Almaniya) 0:1
Amiri, 75-p.
Maynts-05: Sentner, Potulski (Hançe-Olsen, 64), Bell, Da Koşta, Mvene (Vidmer, 89), Sano, Amiri (Meloni, 89), Feraçniq (Bobzayn, 64), Norden, Nebel, Zib (Hollerbax, 71).

Fiorentina (İtaliya) – Siqma (Çexiya) 2:0
Pikkoli, 27. Ndur, 90+5.
Fiorentina: De Xea, Ranyeri, Mari, Ponqraçiç (Komutso, 85), Dodo (Fortini, 72), Qosens (Parizi, 59), Ndur, Facoli, Mandraqora, Pikkoli, Ceko (Qudmundsson, 72).

Slovan (Slovakiya) – Strasbur (Fransa) 1:2
İbrahim, 64 – Yiracanq, 26-öz qapısına. Uattara, 41.
Strasbur: Penders, Uattara, Dukure, Omobamidele, Hoysberq, Luiş (Barko, 46), Əl-Murabet, Amuqu (Lemarşal, 46), Qodo (Due, 68), Paes (Kulibali, 87), Amo-Ameyo (Moreyra, 68).

Rayo Valyekano (İspaniya) – Şkendiya (Şimali Makedoniya) 2:0
U.Lopes, 28. F.Peres, 32.
Rayo Valyekano: Batalya, Espino, Vertraud, Lejen, Baliu, Qumbau (Siss, 77), U.Lopes (Dias, 46), Alvaro Qarsiya (De Frutos, 60), Trexo (Palazon, 70), F.Peres (Bessera, 77), Kamelyo.

Aberdin (Şotlandiya) – Şaxtyor (Ukrayna) 2:3
Karlsson, 8-p. Devlin, 69 – Nazarina, 39. Lukas Ferreyra, 54. Enrike, 60.

Lozanna-Sport (İsveçrə) – Breydablik (İslandiya) 3:0
Lekueyri, 7. Bler, 11. Dyakite, 33.

Noa (Ermənistan) – Riyeka (Xorvatiya) 1:0
Mulahuseynoviç, 6.

Zrinski (Bosniya və Hersoqovina) - Linkoln Red İmps (Cəbəllütariq) 5:0
Bilbiya, 12. Duymoviç, 22. Yakovleviç, 40. Damaşkan, 69. Mikiç, 85.

Yagelloniya (Polşa) - Hamrun Spartans (Malta) 1:0
İmas, 5.

Lex (Polşa) – Rapid (Avstriya) 4:1
Palma, 13. İşak, 21. İsmahil, 45+2. Benqtsson, 77 - Raduloviç, 64.

KuPS (Finlandiya) – Drita (Kosovo) 1:1
Pajişek, 74 – Dabiçay, 80.

Sparta (Çexiya) - Şemrok Rovers (İrlandiya) 4:1
Sadilek, 33. Suhomel, 45. Serensen, 50. Haraslin, 90 – Mandroyu, 82.

AEK (Limassol, Cənubi Kipr) – Alkmaar 4:0
Rubio, 25. Bayiç, 54. İvanoviç, 73. Roden, 83.

Legiya (Polşa) – Samsunspor (Türkiyə) 0:1
Musaba, 10.

Selye (Sloveniya) – AEK (Afina, Yunanıstan) 3:1
Kovaçeviç, 34; 55; 80 – Kutesa, 7.

Rakuv (Polşa) – Universitatya Krayova (Rumıniya) 2:0
Penko, 47. Repka, 80.

Şelburn (İrlandiya) – Həkken (İsveç) 0:0
Bombardir: Kovaçeviç (Selye) - 3.

Növbəti turun oyunları oktyabrın 23-də keçiriləcək: AEK (Afina) – Aberdin, Həkken - Rayo Valyekano, Breydablik – KuPS, Şaxtyor – Legiya, Drita – Omoniya, Riyeka – Sparta, Şkendiya – Şelburn, Strasbur – Yagelloniya, Rapid – Fiorentina, Maynts-05 – Zrinski, Alkmaar – Slovan, Kristal Pelas – AEK (Limassol), Hamrun Spartans - Lozanna-Sport, Linkoln Red İmps – Lex, Samsunspor – Dinamo, Şemrok Rovers – Selye, Siqma – Rakuv, Universitatya Krayova – Noa.