“Azərbaycan premyer-liqasında sonuncu dəfə başqa komandanın çempionluq həyəcanı 2020/21 mövsümündə yaşanıb. Həmin “futbol ili”ndə “Qarabağ”ın əzəli rəqibi “Neftçi” məhz bu komandaya 1:0 hesabıyla qalib gələrək çempion olub. Əslində həmin görüşdə “Qarabağ”a bir xal bəs edirdi. Ancaq 89-cu dəqiqədə bəxtsizlik üzündən buraxılan qol bu şansı əldən aldı. “Qarabağ” o vaxtdan bəri rəqiblərini 19, 9, 25 və 15 xal fərqlə geridə qoyaraq ardıcıl 4 mövsüm çempion olub. Komandanın 2014-cü ildən bəri cəmi bir dəfə çempion ola bilmədiyini də qeyd edək. “Qarabağ” təkcə Azərbaycanda yox, Avropada da güclüdü. Uzun illərdi avrokuboklarda yer alan kollektiv Çempion Liqasının əsas mərhələsinə vəsiqə qazanmaqda çətinlik çəksə də, Avropa Liqasının əsas mərhələsinə asanlıqla yüksələ bilirlər. Komanda tarixində ikinci dəfə böyük uğura imza ataraq Çempionlar Liqasının əsas mərhələsinə yüksələ bilib, ilk turda Lissabonda əfsanəvi qələbə qazanıb - “Benfika”nı məğlub edib! Bu o deməkdi ki, Bakıda “aslanlar”ın işi asan olmayacaq”.