“Onsuz da 1-ci liqa klublarının maddi güc baxımından müəyyən çətinlikləri var. Maliyyə dayaqlarının möhkəm olmadığı belə mühitdə cərimə məbləğlərinin dəfələrlə artırılması xoşagələn hal deyil. Hətta burda sabit maddi gəliri olmayan klublar belə var. AFFA-nın premyer-liqayla 1-ci liqaya ayırdığı məbləğ arasında da çox böyük fərq var. Loru dildə desək, pul heç vaxt artıq olmur. Cərimələri müəyyən qruplara əsasən artıra bilərdilər. Görəsən, hansı əsasla belə addım atılıb? Kimsə meydana daxil olursa, həmin şəxs azyaşlı olsa da, böyük məbləğdə cərimə ödəyirsən, təhlükəli şəxs olsa da. Bəzi stadionların quruluşu elədi ki, orda meydançaya daxil olan şəxsə mane olmaq demək olar ki, qeyri-mümkündü. Odu ki, klublar bu maddə ilə tez-tez cərimə ödəməli olur. Məncə, belə əhəmiyyətli qərar verilməmiş müəyyən təsnifatlandırma prosesi həyata keçirilməliydi. Kim necə istəsə, o cür də məbləği dəfələrlə artıra bilməz. Məhz “Səbail”in adından yox, ümumiyyətlə, 1-ci liqa klublarının adından əminliklə deyə bilərəm ki, bu qərardan narazıyıq”.