"Kəpəz", "Səbail", "Sabah" və "Qarabağ" cərimə edildi

Bu gün AFFA İntizam Komitəsinin iclası keçirilib.

"Football-plus.az" xəbər verir ki, Misli premyer-liqasında 32-ci turun “Kəpəz” – “Zirə” oyununda "sarı-göylər"in azarkeşləri tərəfindən hakimlərin ünvanına kütləvi şəkildə təhqiramiz ifadələr səsləndirildiyinə və bu hal cari mövsümdə 3-cü dəfə yaşandığına görə Gəncə təmsilçisi 1000 manat cərimə edilib.

“Səbail” – “Araz-Naxçıvan” matçında “dənizçilər"in 4 futbolçusu sarı vərəqə aldığı üçün klub 700 manat ziyana düşüb. “Sabah” – “Qarabağ” qarşılaşması bitdikdən sonra meydançaya kənar şəxs daxil olduğuna görə "bayquşlar" 800 manat cərimə edilib. “Qarabağ” isə azarkeşləri tərəfindən pirotexniki vasitədən istifadə edildiyinə görə 1500 manat cərimə edilib.