Çempionlar Liqasının əsas mərhələsinin “Qarabağ” - “Kopenhagen” oyunu üçün biletlərin bu gün saat 15.00-da satışa çıxarıldığını yazmışdıq.

“Football-plus.az” xatırladır ki, standart biletlərin qiyməti 5, 10, 30, 40, 50 və 75 manat, VIP sektorlar üçün qiymətlər 150, 200, 250 manat, VVIP sektorlarda əyləşməyə imkan tanıyan biletlərin qiyməti isə 500 manatdı.

Maraq üçün qeyd edək ki, “köhlən atlar” turnirin bu mərhələsi üçün biletlərin qiymətlərində dəyişiklik edib. Dəqiq desək, pley-off mərhələsində biletlərin qiyməti 5, 20, 30, 40, 50, 100 və 150 manat idi. Burda qiymətlərdə endirim edildiyi aşkar görünür. Əvəzində həmin mərhələdə 300 manata satılan biletlər burda 500 manata təklif olunur.

Onu da bildirək ki, artıq oyun üçün satışa çıxarılan biletlər tükənmək üzrədi. Yüzlərlə azarkeş “Qarabağ”ın sosial şəbəkə hesablarında rəy yazıb ki, sadəcə, bahalı biletlər qalıb. Görünür, burda söhbət azı 40 manata təklif edilən yerlərdən gedir.

KƏNAN BAHADIR