Bu gün Misli premyer-liqasında 5-ci tura yekun vurulacaq.

Turun qapanış oyununda “Sumqayıt” “Neftçi”ni qəbul edəcək. Ən müxtəlif səbəblərdən stadionda azarkeş sayının çox olacağını düşünmək olar. Bu üzdən bilet satışının gedişi ilə maraqlandıq. “Sumqayıt”ın mətbuat katibi Zaur Xudiyevin “Football-plus.az”a verdiyi bilgiyə görə, 2 mindən qədər artıq bilet satılıb.

Xatırladaq ki, oyun 19.30-da Mehdi Hüseynzadə adına Sumqayıt şəhər stadionunda start götürəcək.

MÜZƏFFƏR QULUZADƏ