Afinada yalnız bir il işlədi

Ruy Vitoriya işsiz qalıb. “Panatinaikos” rəhbərliyi baş məşqçi ilə yolları ayrılıb.

Yunanıstan klubunun mətbuat xidmətinin məlumatında portuqaliyalı mütəxəssisin komandanın uğursuz çıxışına görə istefaya göndərildiyi bildirilib.

Ölkə çempionatında 2 oyuna 1 xal toplayan “Panatinaikos” 14 komanda arasında 12-ci yeri tutur. Afinalıların ehtiyatda bir təxirə salınan oyununun olduğunu da qeyd edək.

Vitoriya paytaxt komandasına 2024-cü ilin oktyabrında təyinat almışdı.