“Sabah” “Neftçi” ilə səfər oyununda bir xal qazandı - 0:0.

“Football-plus.az” qonaqların baş məşqçisi Valdas Dambrauskasın mətbuat konfransından hesabatı təqdim edir.

- Çətin oyun oldu. Hər iki komanda üçün önəmli oyun idi. İki tərəf də qələbə qazanmaq istəyirdi. Mövqe hücumları edə bilmədik. Mövsüm ərzində buraxacağımız səhvləri ilk hissədə etdik. Nəsə demək çətindi. İkinci hissədə də oyun ritmi yüksək idi.

- Santuşun da millidə oyunlarını gördüz, Ayxan Abbasovun da. Abbasov gələn kimi Abdulax Xaybulayevi çağırdı. Sizcə, baş məşqçi yerli olsa, daha yaxşıdı, yoxsa əcnəbi?
- Bu sual mənim üçün deyil. Bu oyun haqda nə qədər istəsəz, danışaram. Bu rəhbərliyin, xalqın seçimidi. Bu barədə nəsə demək istəmirəm.

- Azərbaycana gəlməmiş belə nəticəni gözləyirdiz? 4 oyun, 5 xal…
- Hara gəldiyimi bilirdim. İki il əvvəl də izləmişəm çempionatı. Çox inkişaf etməliyik. Bu gün önəmli oyunçularımızdan Sekidika, Zinedin Uld Haled, Noqeyra yox idi. Bu mövsümboyu baş verəcək, zədəlilər olacaq. Andrey Souza bu gün debüt etdi, Tellur Mütəllimov uzun müddətdən sonra oynadı. Bu matçda da çalışdıq. Bəzi şeylər alınmadı. Onların üzərində işləməliyik.

MÜZƏFFƏR QULUZADƏ