Lamin Yamal Türkiyədə problemli vəziyyətə düşüb. İspaniya yığmasının hücumçusu Konyada pasportunu itirib.

Bu vəziyyət DÇ-2026-nın Türkiyə ilə seçmə oyunundan sonra yaşanıb. Lamin matçdan sonra paltardəyişmə otağı da daxil olmaqla uzun müddət pasportunu axtarsa da, sənədini tapa bilməyib. Stadionu tərk edən yeniyetmə futbolçunun Türkiyədən necə ayrılacağı və İspaniyaya dönəcəyi sual doğurmaya bilməzdi. Bir neçə saatdan sonra onun bu ölkəni xüsusi təyyarə ilə tərk etdiyi haqda məlumat yayılıb. Ancaq yerli “Turkiye Today” qəzetinin xəbərində onun pasportunu tapıb-tapmadığına aydınlıq gətirilməyib.

Xatırladaq ki, Türkiyə - İspaniya matçı 6:0 hesabı ilə qonaqların xeyrinə başa çatıb. Yamal bu oyunda 2 məhsuldar ötürmə verib.