Sentyabrın 5-də milli komandamızın tarixinə növbəti faciə yazıldı. Fernando Santuşun rəhbərlik etdiyi komanda Reykyavikdə beş cavabsız qolla məğlub oldu. Oyundan sonra AFFA-nın baş katibi Cahangir Fərəcullayev Santuş haqda sərt fikirlər səsləndirdi. Portuqaliyalı mütəxəssis isə istefa verməyəcəyini açıqlasa da, bu gün gözlənilən ayrılıq yaşandı.

Nəhayət, yerli məşqçiyə güvənməyin vaxtıdımı? Bu torpağda böyüyən, sevgisinin, pulunun qədrini bilən azərbaycanlı milli komandanın baş məşqçisi olmalıdımı? Azarkeşlərin istədiyi bir şəxs var - Rəşad Sadıqov. Bu milli komandanı düzəldə biləcək iki nəfərdən biri məhz Sadıqovdu. Digəri isə Qurban Qurbanovdu. Onunla bağlı vəziyyət aydındı. Hələ ki Qurban bəyin “sükan arxasına” keçməsi üçün münasib şərait yetişməyib.

Artıq yerli mütəxəssis gəlməlidi. Ən real namizəd də “Zirə”nin baş məşqçisidi. Nəticələr ən azı Santuş dövründəkindən pis olmayacaq.

MÜZƏFFƏR QULUZADƏ