Tur Almaniya futbolunda özünəməxsus yeri olan Hamburq derbisi ilə start götürdü.

"Football-plus.az" xəbər verir ki, barışmaz rəqiblər olan “Hamburq”la “Sankt Pauli”nin bundesliqada yolu sonuncu dəfə 2011-ci ildə kəsişmişdi. Budəfəki duel qonaqlar üçün uğurlu alındı. Ötən həftə “Borussiya”dan möcüzəvi şəkildə xal qoparan “Sankt Pauli” bu dəfə ən prinsipial rəqibini səfərdə məğlub etdi. Debütant “Hamburq”un isə hələ ki hesabında qol yoxdu.

İlk turda fanatlarını məyus edən “Ştutqart”la “Leyptsiq” mövsümdə ilk qələbələrini qazandılar. Ötən mövsümü 3-cü pillədə tamamlayan və “Qarabağ”ın ÇL-dəki rəqiblərindən olan “Ayntraxt” cari “futbol ili”nə inamlı start verib. Maraqlıdı ki, bu komanda XXI əsrdə cəmi 2-ci dəfə bundesliqada ilk iki turu xal itirmədən tamamladı. İlk belə hal 2012/13-də yaşanmışdı. Özü də həmin vaxt debütant statusunda olan frankfurtlular ilk xal itkisi ilə yalnız 5-ci turda üzləşmişdilər. “Bayer-04” fanatlarına cəhənnəm əzabı yaşatmaqda davam edir. İlk turda evdə iddiasız “Hoffenhaym”a uduzan Leverkuzen təmsilçisi bu dəfə Bremen səfərində əvvəlcə 2:0, sonda 3:1 öndə olmasına baxmayaraq, qələbəni əldən verdi. Özü də “Verder” son iki qolu azlıqda vurdu! Bu fiasko Erik ten Haqa baha başa gəldi. Niderlandlının işindən və futbolçularla münasibətindən narazı olan rəhbərlik dünən onunla yollarını ayırdı!

Buna qədər bundesliqa tarixində yayda təyin olunub 2-ci turdan sonra qovulan məşqçi olmamışdı. Bavariya derbisi “Bavariya” üçün asan keçməsə də, “Bayer-04”dən fərqli münhenlilər qələbəni əldən vermədilər. “Rekordmayster” bu mövsüm 4-cü rəsmi oyunda 4-cü qələbəsini qazandı.

Bazar günü “Union”u darmadağın edən Dortmund “Borussiya”sı ilk qələbəsini qazandı. Ötən mövsüm ÇL-ə vəsiqəni son turda əldən verən “Frayburq” bu mövsümə faciəvi start verib. İlk turda evdə “Auqsburq”dan 3 top buraxan komanda bu dəfə Köln səfərində 4 top buraxdı. Debütant “Köln”ün iki turda sonra xal tiriməyən 3 klubdan biri olması diqqəti çəkir.

2-ci tur
Auqsburq – Bavariya 2:3
Yakiç, 53. Mərt Kömür, 56 – Qnabri, 28. Dias, 45+4. Olise, 48. (30660)
Bavariya: Noyer, Laymer (Boe, 71), Upamekano, Ta, Stanişiç, Kimmix, Qoretska (Pavloviç, 71), Olise, Qnabri (Gerreyro, 86), Dias, Keyn.

Verder – Bayer-04 3:3
Şmid, 44-p. Şmidt, 76. Kulibali, 90+4 – Şik, 5; 64-p. Tillmann, 35. (42100)
Bayer-04: Flekken, Tella (Maza, 87), Kuansa, Tapsoba, Tape (Bade, 72), Qrimaldo, Qarsiya (Palasios, 61), Andrix, M.Tillman (Eçeverri, 62), Kofane (Poku, 72), Şik.

Borussiya D – Union 3:0
Girassi, 44; 58. F.Nmeça, 81. (81365)
Borussiya: Kobel, Kouto, Anselmino (Ryuyerson, 76), Anton, Bensebayni, Svensson, Zabitser (Qross, 87), Bellingem (F.Nmeça, 71), Brandt, Bayer (Çukvuemeka, 76), Girassi (Adeüyemi, 86).

Hoffenhaym – Ayntraxt F 1:3
Prömel, 90+1 – Doan, 17; 27. Can Uzun, 51. (30150)
Ayntraxt: Setterer, Kristensen (Höylunn, 82), Kollins, Kox, Teate, Çaibi, Larsson, Doan (Buta, 78), Can Uzun (Braun, 63), Bahoya (Knauff, 63), Vahi (Batşuayi, 82).

Ştutqart – Borussiya M 1:0
Andres, 79. (60000)
Ştutqart: Nübel, Vaqnoman, Yeltş, Hendriks, Mittelştadt (Narti, 74), Ştiller, Karazor (Andres, 64), Tomas (Assinyon, 74), Dəniz Undav (Fürix, 14/Yovanoviç, 64), Levelinq, Demiroviç.

Leyptsiq – Haydenhaym 2:0
Baumqartner, 48. Romulo, 78. (43495)
Leyptsiq: Qulaçi, Baku (Nedelkoviç, 90), Orban, Lukeba, Raum, Şlager, Banzuzi (Zayvald, 67), Baumqartner (Uedraoqo, 85), Bakayoko (Diomande, 67), Nusa, Romulo (Openda, 85).

Hamburq – Sankt Pauli 0:2
Dzviqala, 19. Untonci, 59. (57000)

Volfsburq – Maynts-05 1:1
Senter, 9 – Əmiri, 90-p. (21893)

Köln – Frayburq 4:1
Kaminski, 35. Bülter, 47. Y.Tilmann, 57. Əl-Mala, 81 – Eqqeştayn, 84. (50000)

1. Bavariya 2 2 0 0 9-2 6
2. Ayntraxt F 2 2 0 0 7-2 6
3. Köln 2 2 0 0 5-1 6
4. Borussiya D 2 1 1 0 6-3 4
5. Sankt Pauli 2 1 1 0 5-3 4
6. Volfsburq 2 1 1 0 4-2 4
7. Auqsburq 2 1 0 1 5-4 3
8. Ştutqart 2 1 0 1 2-2 3
9. Hoffenhaym 2 1 0 1 3-4 3
10. Union 2 1 0 1 2-4 3
11. Leyptsiq 2 1 0 1 2-6 3
12. Bayer-04 2 0 1 1 4-5 1
13. Maynts-05 2 0 1 1 1-2 1
14. Borussiya M 2 0 1 1 0-1 1
15. Hamburq 2 0 1 1 0-2 1
16. Verder 2 0 1 1 4-7 1
17. Haydenhyaym 2 0 0 2 1-5 0
18. Frayburq 2 0 0 2 2-7 0

Bombardirlər: Keyn, Olise (hər ikisi “Bavariya”), Girassi (Borussiya D) – 3.

Növbəti turun oyunları sentyabrın 12-14-ü aralığında keçiriləcək: Bayer-04 – Ayntraxt F, Haydenhaym – Borussiya D, Bavariya – Hamburq, Maynts-05 – Leyptsiq, Frayburq – Ştutqart, Union – Hoffеnhaym, Volfsburq – Köln, Borussiya M – Verder, Sankt Pauli – Auqsburq.

Turun rəqəmi
7 – ötən mövsümü də nəzərə almaqla Girassi ardıcıl 7-ci bundesliqa matçında fərqlənməyi bacardı. Qvineyalı forvard bu müddətdə 9 qol vurub. Bu, “Borussiya”nın tarixində 3-cü ən yaxşı seriyadı. Bu klubun heyətində yalnız 2015-ci ildə Obameyanq (10) və 2013-cü ildə Levandovski (12) bundesliqada daha çox ardıcıl oyunda qol vurmağa müvəffəq olub.

Turun ulduzu
Ritsu Doan (Ayntraxt F) – bu yay 21 milyon avroya “Frayburq”dan transfer edilən yaponiyalı vinger ona görə ödənilən məbləği hələ ki artıqlamasıyla doğruldur. 27 yaşlı futbolçu o qədər də asan olmayan Zinshaym səfərində komandasının vurduğu hər 3 qolda yaxından iştirak etdi. İlk yarım saatda dublunu rəsmiləşdirən Doan 2-ci hissənin əvvəlində hesabına məhsuldar ötürmə də yazdı. O, “Ayntraxt”ın heyətində keçirdiyi ilk 3 rəsmi oyunda artıq 4 qol vurub.

Turun sitatı
Vensan Kompani, “Bavariya”nın baş məşqçisi: