“Neftçi”nin iki mövsüm əvvəl kosmik maaş təklifi ilə heyətinə qatdığı Ramil Şeydayev müqaviləsinin pozulmasına razılıq vermədiyinə görə baş məşqçinin qərarı ilə əvəzedici heyətə göndərilib. İş ondadı ki, Ramil heç əvəzedici heyətdə də yoxdu.

Səbəbini klubun mətbuat katibi Asəf Zeynallıdan soruşduq. O isə bunun əvəzedici komandanın baş məşqçisinin qərarı olduğunu bildirdi.

Qeyd edək ki, ötən həftə əvəzedici komandanın baş məşqçisi Rəşad Abdullayevlə əlaqə saxlamışdıq, Rəşad bəy əsas komandaya aid olan suala cavab vermək istəmədiyini bildirmişdi. Beləliklə, aşkar şəkildə deyilməsə də, bəlli olur ki, Ramil Şeydayev heç əvəzedici komanda ilə də məşq etmir, ortada yoxdu. Amma hardadı - açıqlayan tapılmır.

MÜZƏFFƏR QULUZADƏ