“Bunlar hamısı cəfəngiyyatdı” - Azər Bağırov nədən narazıdı?
Misli premyer-liqası başlar-başlamaz fasilə yarandı. Daha doğrusu, məcburi, yəni milli fasilə. Çempionat isə təxminən ikihəftəlik “istirahət götürdü”.
Bəs bu fasilə ən çox hansı komandalara sərf edəcək? Sualı ötən mövsüm “Kəpəz”in “sükanı arxasında” olan Azər Bağırova ünvanladıq:
“Futbolçunun yeni gəlməsi, uyğunlaşa prosesi - bunlar hamısı cəfəngiyyatdı. Sənin əlində futbolçular və ayyarım, iki ay vaxt var. Bu vaxt ərzində futbolçuların uyğunlaşmırsa, deməli, seçimin səhvdi. Komandada qalan və milli komandaya yollanan futbolçular düzgün məşq prosesi keçsələr, bu, klubların xeyrinə olar. Milli fasilədən sonra görünəcək ki, kim öz səhvləri üzərində çalışıb. Bunlar hamısı siqnal ola bilər”.
MÜZƏFFƏR QULUZADƏ
Digər xəbərlər
