Ötən mövsüm avrokuboklarda ən zəif nəticəni göstərən “Qarabağ”da “qabıqdəyişmə” olacağını gözləyirdik. Lakin klub hələ ki gözləntiləri qarşılaya bilmir.

Beş futbolçu ilə yolları ayıran “köhlən atlar” cəmi üç transfer edib ki, ikisi yarımmüdafiəçidi, biri də cinah müdafiəçisi. Komandada üç hücumçu var idi, Redon Cicanı Qurban Qurbanov “gözdən çıxarmışdı” ki, Əlcəzairə transfer olundu. Qaldı Nərimanla Musa.

Çox güman, mərkəz hücumçusu transfer olunacaq. Amma nə vaxt? Futbolçunun komandaya uyğunlaşması, potensialını açması.. Bunlar hamısı vaxt aparır axı. Mərkəz müdafiəçiləri lazımdı. Hanı? Qocaman Bədavi, qeyri-sabit oynayan Bəhlul və Medina, məcburiyyətdən mərkəz müdafiəçisinə çevrilmiş Mateusla olan işdimi bu? Deyil. Bəlkə məqsəd Çempionlar Liqası deyil, Konfrans Liqasıdı. İş orasındadı ki, orda da Musa və Nəriman nə edə bilər...

Qarabağ məsələsi 30 ilə həll olundu, bu iş isə daha qəliz görünür.

MÜZƏFFƏR QULUZADƏ