Duşan Vlahoviçin aqibəti hələ də müəyyənləşməyib.

“Yuventus” rəhbərliyi hücumçunu yaxşı təklif olduğu halda satmağı planlaşdırır. “Tuttosport”un məlumatına görə, Turin klubu “Milan”la danışıqlar aparır və sövdələşməyə “rossonyerlər”in yarımmüdafiəçisi Aleksis Salemakersi daxil etməyi nəzərdən keçirir.

Xəbərdə o da qeyd olunur ki, “Milan”ın baş məşqçisi Massimiliano Alleqri artıq Vlahoviçlə çalışıb və onun üçün bu transfer əsas hədəfdi. Lakin klub rəhbərliyi daha ucuz hücumçuya üstünlük vermək istəyir. Əsas problem isə serb forvardın maaş tələblərini azaltmaq istəməməsidi.

25 yaşlı futbolçunun “Yuventus”la müqaviləsinin müddəti 2026-cı ilin yayına qədərdi, bazar dəyəri isə 35 milyon avro qiymətləndirilir. Duşan ötən mövsüm 44 oyun keçirib, 17 qol vurub və 5 məhsuldar ötürmə edib.