Alessandro Florentsi peşəkar futbolçu həyatı ilə bağlı vacib qərar verib.

O, karyerasını başa vurub. “Roma”nın yetirməsi olan müdafiəçi peşəkar futbolda ilk addımlarını məhz bu klubda atıb. 34 yaşlı Alessandro karyerası ərzində icarə qaydası ilə “Krotone”, “Valensiya”, PSJ və “Milan”da da top qovub. O, 2021-ci ildən bu yaya qədər milanlıların formasını daşıyıb.

Florentsinin İtaliya yığmasında 49 oyuna 2 qol vurduğunuvə 3 məhsuldar ötürmə etdiyini də xatırladaq.